Akademiýanyň kitaphanasy 2009-njy ýylda döredilip, onda professor-mugallymlaryň işlerine, diňleýjileriň we talyplaryň okuwlaryna peýdaly dürli döwlet dolandyryş, sosial-ykdysady pudaklaryna degişli edebiýatlar we şol sanda Gahryman Arkadagymyzyň kitaplary Akademiýanyň gorundaky kitaplar we ylmy işler, metbugatda çap edilen dürli makalalar we tezisler, daşary ýurtlardan gelen birnäçe žurnallar, kitaplar saklanylýar. Şu güne çenli kitaphana gorynda 6500-e golaý kitaplar kabul edildi. Akademiýanyň kitaphanasy “Galkynyş kitap merkezi” tarapyndan dürli ugurly kitaplar, gollanmalar we beýleki neşir önümleri bilen üpjün edilýär. Türkmenistanyň Bilim ministrliginiň merkezi bazasyndan, Adalat ministrliginden, Türkmen döwlet neşirýat gullugynyň “Türkmenkitap”lomaý-bölek birleşiginden, Türkmenistanyň Statistika baradaky döwlet komitetinden kitaplar, žurnallar kabul edilýär. Akademiýanyň professor-mugallymlary, diňleýjileri birnäçe kitaplary kitaphana sowgat berýärler.

Akademiýanyň kitaphanasynyň tekjelerinde dürli ylmy we çeper eserler bilen birlikde Mähriban Arkadagymyzyň halkymyza peşgeş beren atalyk kitaplary hem bar. Akademiýanyň mugallymlarydyr diňleýjileri we talyplary kitaphananyň hyzmatyndan günüň dowamynda peýdalanyp bilýärler. Şeýle-de Gahryman Arkadagymyzyň “Türkmenistanyň dermanlyk ösümlikleri”, “Döwlet guşy”, "Çaý – melhem hem ylham’’, ,,Gadamy batly bedew’’, ,,Arşyň nepisligi’’, ,,Parahatçylyk sazy, dostluk, doganlyk sazy’’ hem-de “Enä tagzym – mukaddeslige tagzym”, “Türkmenistan”, “Bitarap Türkmenistan”, “Türkmenistan Abadançylygyň we rowaçlygyň ýurdy”, “Ösüşiň täze belentliklerine tarap” I—X tomlary, “Türkmenistan durmuş — ykdysady ösüşiniň döwlet kadalaşdyrylyşy”, “Türkmenistan — Beýik Ýüpek ýolunyň ýüregi”, “Türkmenistan Durnukly ösüşiň maksatlaryna ýetmegiň ýolunda”, “Abadançylygyň röwşen gadamlary”, “Ömrümiň manysy”, “Türkmenistanyň elektroenergetika kuwwaty”...ýaly pähim-paýhasy özünde jemleýän ajaýyp kitaplaryndan professor-mugallymlar, diňleýjiler we talyplar ylmy işlerinde, okuw sapaklarynda giňden ulanyp bilýärler. 

Berkarar döwletiň täze eýýamynyň Galkynyşy döwründe Hormatly Prezidentimiziň kitaphana işini kämilleşdirmek baradaky alyp barýan parasatly başlangyçlaryndan ugur alyp, döwlet gullukçylaryny bagtyýarlyk ruhunda terbiýelemekde, sadalyk, päklik, mähribanlyk, hoşniýetlilik, watançylyk duýgularyny oýarmakda kitabyň jemgyýetiň durmuşyndaky eýeleýän orny uludyr.

Kitaphananyň ýerleşýän ýeri: Akademiýanyň okuw binasynyň 1-nji gaty, №110 otag, telefon belgisi: +993 (12) 49-82-70.