Zenan sarpasy belentde

    5-nji martda Türkmenistanyň Prezidentiniň ýanyndaky Döwlet gullugy akademiýasynda 8-nji mart – Halkara zenanlar güni mynasybetli  aýdym-sazly dabaraly çäre geçirildi. Oňa akademiýada zähmet çekýän ähli zenan mugallymlar, işgärler düzümi bilen bir hatarda,  bu ýerde bilim alýan diňleýjiler we  talyplar hem gatnaşdylar.

Dabaranyň başynda akademiýanyň rektory A.Annamyradow gutlag sözi  bilen çykyş edip,  ýur­du­myz­da zenan mer­te­be­si­ni be­len­de gö­ter­mek, ola­ryň zäh­me­ti­ne, dö­re­di­ji­li­gi­ne we asyl­ly iş­le­ri­ne sar­pa goý­mak maksa­dy bi­len çä­re­le­riň ge­çi­ril­me­giniň  ýurdu­my­zyň äh­li ge­lin-gyz­la­ry­ny be­lent ýe­ňiş­le­re, tä­ze zäh­met üs­tün­lik­leri­ne ruh­lan­dyr­ýandygyny belledi. Şeýle-de dö­re­dil­ýän şertle­riň ne­ti­je­sin­de, bu gün­ki gün ze­nan­la­ry­myzyň ylym-bi­lim­de, me­deni­ýet­de, işe­wür­lik­de, yk­dy­sa­dy we dur­muş ul­gam­la­ry­nyň dür­li ugur­laryn­da yh­las­ly zäh­met çek­mek bi­len, aň-paý­has, dö­re­di­ji­lik ba­şar­nyk­lary­ny ne­ti­je­li dur­mu­şa ge­çir­ýändiklerini  hä­zir­ki dö­wür­de ze­nan­la­ry­ň mil­li yk­dy­sa­dy­ýe­ti­miziň äh­li pu­dak­la­ryn­da ne­ti­je­li zähmet çe­kip, döw­le­ti­mi­ziň ösü­şi­ne my­na­syp go­şant goş­ýan­dyk­la­ry  aýdyldy. Şeýle-de  dabaranyň dowamynda akademiýada zähmet çekýän  zenanlara  we bu ýerde  bilim alýan diňleýjilerdir talyplara 8-nji mart Halkara zenanlar güni mynasybetli hormatly Prezidentimiziň adyndan pul sowgatlary dabaraly ýagdaýda gowşuryldy.

Aýdym-sazly dabaranyň barşynda,   aýdymçylar  mährem zenanlarymyzy, maşgalanyň sütüni bolan eziz enelerimizi, döwrümizi wasp edýän ajaýyp çykyşlary bilen tomaşaçylaryň baýramçylyk ruhuny has-da belende göterdiler.

Şeýle-de dabaranyň dowamynda akademiýada bilim alýan diňleýjileriň we talyplaryň ýörite 8-nji mart -  Halkara zenanlar güni mynasybetli taýýarlan çykyşlary görkezildi. Olaryň  zenanlary, mährem enelerimizi wasp edip ýerine ýetiren oýlanmalary, goşgulary, şeýle-de maşgala durmuşyndan taýýarlan degişme sahnalary ýatdan çykmajak ýakymly täsirleri galdyrdy. Ze­nan mer­te­be­si­ne be­lent hor­mat go­ýul­ýan bag­ty­ýar za­ma­na­my­zy wasp ed­ýän çy­kyş­lar aýdym-sazly dabaranyň  esa­sy maz­mu­ny­ny düz­di.

Baýramçylyk çäresiniň ahyrynda oňa gatnaşyjylar  ene mukaddesligini, zenan sarpasyny aýratyn hormatlaýan, her bir günümizi toýdur baýramlara besleýän Gahryman Arkadagymyza, Arkadagly Gahryman Serdarymyza ýürekden çykýan hoşallyklaryny beýan etdiler.