Raýat hukugy dersiniň maksady – diňleýjilere raýat hukuk meselesinde hukuk medeniýetini ösdürmek. Türkmenistanyň bazar ykdysadyýetine geçiş döwründe raýat hukuk gatnaşyklarynyň tutýan ornuny, şertnamalary baglaşmagyň düzgünlerini, borçnamalary ýerine ýetirmegiň kadalaryny, ýetirilen maddy we ahlak zyýanyň öwezini dolmak baradaky kazyýet goraglylygyndan peýdalanmagyň mümkinçiliklerini düşündirmek, Türkmenistanda raýat jemgyýetiniň işjeňleşdirilmegini gazanmak, Türkmenistanyň Raýat kodeksinden gelip çykýan wezipeleri durmuşa geçirmek hem-de dolandyrmak ugrunda döwlet gullukçylaryň hukuk-guramaçylyk bilimlerini we amaly ukyplaryny kämilleşdirilmekden we iş tejribelerini ýokarlandyrmakdan ybaratdyr. Bu ders Ýerine ýetiriji häkimiýetiň ýerli edaralarynyň we ýerli öz-özüňi dolandyryş edaralarynyň gullukçylarynyň hünär derejesini ýokarlandyrmak − okuwyň möhleti iki aý okuwyň (gözegçiligiň görnüşi – hasap), Döwlet edaralarynyň gullukçylarynyň hünär derejesini ýokarlandyrmak − okuwyň möhleti bäş aý okuwyň (gözegçiligiň görnüşi – synag) we Täjirçilik arbitražy boýunça döwlet gullukçylarynyň hünär derejesini ýokarlandyrmak − okuwyň möhleti dört aý (gözegçiligiň görnüşi – synag), Döwlet edaralarynyň gullukçylaryny gaýtadan taýýarlamak − okuwyň möhleti iki okuw ýyly, okuwlaryň dowamynda (synag) okatmak üçin niýetlenendir.
Zähmet hukugy dersiniň maksady – diňleýjilere, talyplara Türkmenistanda hereket edýän zähmet bilen baglanyşykly kadalaşdyryjy hukuk namalary tejribede ulanmagyň usullaryny, zähmet hukugynda işgäriň we iş berijiniň hukuklarynyň we borçlarynyň kesgitlenilişini, zähmet şertnamasyny, döwlet tarapyndan kepillikleriň bellenilişini hem-de olaryň durmuşa geçirilişini, zähmet düzgün-nyzam tertibini berjaý etmekligi, zähmet goraglylygyny, zähmet çygrynda durmuş hyzmatdaşlygy, zähmet jedelleriniň çözüliş usullaryny, milli we halkara zähmet hukuk kadalaşdyryjy namalaryny, häzirki zaman zähmet hukuk gatnaşyklaryny we beýleki degişli meseleleri öwredip, döwlet gullukçylarynyň we talyplaryň bu ugur boýunça hukuk medeniýetini ýokarlandyrmakdan ybaratdyr. Bu ders Döwlet edaralarynyň gullukçylarynyň hünär derejesini ýokarlandyrmak − okuwyň möhleti bäş aý okuwy ugry (gözegçiligiň görnüşi – hasap), Döwlet edaralarynyň gullukçylaryny gaýtadan taýýarlamak − okuwyň möhleti iki okuw ýyly (1-nji ýyldaky) okuwyň dowamynda (hasap) we Magistrleri taýýarlamak okuwynyň “Konstitusiýa hukugy” ugry (synag) okatmak üçin niýetlenendir.
Durmuş üpjünçilik hukugy dersiniň maksady – Türkmenistanyň Prezidentiniň durmuş üpjünçiligi boýunça Berkarar döwletiň täze eýýamynyň Galkynyşy: Türkmenistany 2022–2052-nji ýyllarda Milli Maksatnamasyndan, Türkmenistanyň Ilaty durmuş taýdan goramak hakyndaky kodeksinden we beýleki Maksatnamalardan, Konsepsiýalardan, Konwensiýalardan we kanunlardan Ilaty durmuş taýdan goramak babatda döwlet syýasatyndan gelip çykýan wezipeleri durmuşa geçirmek hem-de dolandyrmak ugrunda döwlet gullukçylarynyň hukuk-guramaçylyk bilimlerini we amaly ukyplaryny kämilleşdirmek we iş tejribelerini ýokarlandyrmak, ilaty durmuş taýdan goramak we onuň umumy düzgünlerini, pensiýalaryň we döwlet kömek pullarynyň berilişiniň tertibini, Döwlet Pensiýa gaznasy we olaryň alyp barýan işleri, kanunçylygy, kadalaşdyryjy hukuk namalary hem-de hukuk esaslary baradaky düşünjeleri berip, ýokary derejeli hünärmenleri taýýarlamakdan ybaratdyr. Bu ders Döwlet edaralarynyň gullukçylarynyň hünär derejesini ýokarlandyrmak − okuwyň möhleti bäş aý okuwy üçin niýetlenendir (gözegçiligiň görnüşi – hasap).
Kommersiýa arbitražy dersiniň maksady – diňleýjilere Türkmenistanyň Arbitražlaryna hem-de halkara täjirçilik arbitražlaryna hak isleýiş arzany bermegiň düzgünlerini, arbitraž prosesiniň kadalaryny, arbitražyň kabul eden çözgütlerini mejbury ýerine ýetirmegiň hukuk meselelerini öwretmek arkaly olaryň hünärini ýokarlandyrmakdan ybaratdyr. Bu ders Täjirçilik arbitražy boýunça döwlet gullukçylarynyň hünär derejesini ýokarlandyrmak − okuwyň möhleti dört aý okuwy üçin niýetlenendir (gözegçiligiň görnüşi-synag).
Halkara arbitraž dersiniň maksady – diňleýjilere Arbitraž iş ýöredişinde hukuk medeniýet endigini döretmek. Halkara täjirçilik arbitražlarynda we Türkmenistanyň Arbitražlaryna hak işleýiş arzany bermegiň düzgünlerini, arbitraž prosesiniň kadalaryny, arbitražyň kabul eden çözgütlerini mejbury ýerine ýetirmegiň düzgünlerini öwretmekdir. Bu ders Döwlet edaralarynyň gullukçylaryny gaýtadan taýýarlamak − okuwyň möhleti iki okuw ýyly (2-nji ýyldaky) üçin niýetlenendir (synag).
Halkara hususy hukugy dersiniň maksady – diňleýjileriň hukuk medeniýetini ösdürmek. Halkara hususy hukugynda hukuk gatnaşyklaryň aýratynlyklary, şol gatnaşyklarda daşary ýurt fiziki we daşary ýurt ýuridik şahslaryň gatnaşýanlygy, olaryň obýekti bolup durýan emlägiň daşary ýurt döwletlerinde ýerleşýändigi we olaryň iki ýa-da birnäçe döwletleriň çägi bilen baglylygy, halkara häsiýetli raýat, maşgala-nika we zähmet gatnaşyklarynyň düzgünlerini öwretmekdir. Bu ders Täjirçilik arbitražy boýunça döwlet gullukçylarynyň hünär derejesini ýokarlandyrmak − okuwyň möhleti dört aý okuwy üçin we Döwlet edaralarynyň gullukçylaryny gaýtadan taýýarlamak − okuwyň möhleti iki okuw ýyly (2-nji ýyldaky) üçin niýetlenendir (hasap).
Ýer-suw hukugy dersiniň maksady - Ýer-suw hukugy okuw dersi Türkmenistanyň Prezidentiniň ýanyndaky Döwlet gullugy akademiýasynyň diňleýjileriniň okuw bilimini ýokarlandyrmak maksady bilen öwrenilýär hem-de Ýer-suw hukugy dersi ýerli ýerine ýetiriji we ýerli öz-özüni dolandyryş edaralarynyň işgärleriniň gündelik işleri bilen baglanşykly bolan ýer-suw meseleleri hakyndaky kanunçylygy, kadalaşdyryjy hukuknamalary özünde jemläp, bu ugurda ýokary derejeli hünärmenleri taýýarlamak üçin niýetlenendir. Bu ders Ýerine ýetiriji häkimiýetiň ýerli edaralarynyň we ýerli öz-özüňi dolandyryş edaralarynyň gullukçylarynyň hünär derejesini ýokarlandyrmak − okuwyň möhleti iki aý okuwlar üçin niýetlenendir (gözegçiligiň görnüşi – hasap).
Ýerli öz-özüňi dolandyryş hukugy dersiniň maksady - Ýerli öz-özüňi dolandyryş hukugy dersiniň maksady ýerli öz-özüňi dolandyryşy, onuň edaralarynyň ulgamynyň, işiniň, wezipeleriniň, ygtyýarlyklarynyň we jogapkärçilikleriniň nazaryýetini we tejribesini giňişleýin diňleýjilere öwretmek bolup durýar. Dersi özleşdirmek bilen diňleýjiler degişli hukuk namalary birmeňzeş hem-de gyşarnyksyz ýerine ýetirmekligi üpjün etmek meselelerini bilmek mümkinçiligini gazanarlar. Netijede Türkmenistanyň Konstitusiýasyndaky we beýleki kadalaşdyryjy hukuk namalardaky ýerli öz-özüňi dolandyryşyna degişli berkidilen kadalary durmuşa geçirmeklige ýardam eder. Bu ders Ýerine ýetiriji häkimiýetiň ýerli edaralarynyň we ýerli öz-özüňi dolandyryş edaralarynyň gullukçylarynyň hünär derejesini ýokarlandyrmak − okuwyň möhleti iki aý okuwlar üçin niýetlenendir (gözegçiligiň görnüşi – hasap).
Telekeçilik hukugy dersiniň maksady - Telekeçilik hukugy Berkarar döwletiň täze eýýamynyň Galkynyşy: Türkmenistany 2022–2052-nji ýyllarda durmuş-ykdysady taýdan ösdürmegiň milli Maksatnamasyna, Maksatnamalara, kada-kanunlara laýyklykda telekeçilik babatda alynyp barylýan döwlet syýasatyny, bazar özgertmelerinde erkin telekeçiligi we hususy haryt öndürijileri döwlet tarapyndan goldamaklygyň hukuk esaslaryny, bäsleşik giňişligini döretmek, eýeçiligiň dürli görnüşlerini ösdürmek arkaly ykdysady ösüşi we amatly maýa goýum ýagdaýy üpjün etmekligiň düzgünlerini, Hormatly Prezidentimiziň alyp barýan syýasatynyň halk bähbitli, haýyrly tagallalaryny, bazar ykdysadyýetini çuňlaşdyrmakda bitirilýän işleriniň mazmunyny, halkyň ýokary derejede ýaşamaga, gurplanmaga bolan islegleriniň hasyl bolmagynyň bähbitli ýollarynyň biri telekeçilik bolup durýandygyny düşündirmek bilen ýokary derejeli hünärmenleri taýýarlamakdan ybaratdyr. Bu ders Täjirçilik arbitražy boýunça döwlet gullukçylarynyň hünär derejesini ýokarlandyrmak − okuwyň möhleti dört aý okuwy üçin (gözegçiligiň görnüşi – hasap), Döwlet edaralarynyň gullukçylarynyň hünär derejesini ýokarlandyrmak − okuwyň möhleti bäş aý okuwy üçin (gözegçiligiň görnüşi – hasap) we Döwlet edaralarynyň gullukçylaryny gaýtadan taýýarlamak − okuwyň möhleti iki okuw ýyly, okuwlar üçin niýetlenendir (hasap).
Durmuş üpjünçilik hukugy dersiniň maksady – Türkmenistanyň ilatyny durmuş taýdan goramagyň hukuk, guramaçylyk, ykdysady, esaslarynyň kesgitlenişini, raýatlaryň döwlet pensiýa ätiýaçlandyrmasy esasynda pensiýa üpjünçiliginiň, raýatlaryň aýratyn toparlarynyň döwlet kömek pullary bilen üpjünçiliginiň döwlet kepilliklerini bellenişini, weteranlaryň we maýyplygy bolan adamlaryň durmuş taýdan goralmagynyň çäreleriniň kesgitlenişini hem-de Türkmenistanyň Prezidentiniň we durmuş üpjünçiligi boýunça Berkarar döwletiň täze eýýamynyň Galkynyşy: Türkmenistany 2022–2052-nji ýyllarda Milli Maksatnamasyndan, we beýleki Maksatnamalardan, Konsepsiýalardan, Konwensiýalardan we kanunlardan Ilaty durmuş taýdan goramak babatda döwlet syýasatyndan gelip çykýan wezipeleri durmuşa geçirmek hem-de dolandyrmak ugrunda döwlet gullukçylarynyň hukuk-guramaçylyk bilimlerini we amaly ukyplaryny kämilleşdirmek we iş tejribelerini ýokarlandyrmak, ilaty durmuş taýdan goramak we onuň umumy düzgünlerini, pensiýalaryň we döwlet kömek pullarynyň berilişiniň tertibini, Pensiýa gaznasy we olaryň alyp barýan işleri, kanunçylygy, kadalaşdyryjy hukuk namalary hem-de hukuk esaslary baradaky düşünjeleri öwredip, ýokary derejeli hünärmenleri taýýarlamakdan ybaratdyr. Bu ders Döwlet edaralarynyň gullukçylarynyň hünär derejesini ýokarlandyrmak − okuwyň möhleti bäş we 2 aý okuwlar üçin niýetlenendir (gözegçiligiň görnüşi – hasap).
Maşgala hukuk-gatnaşyklarynyň düzgünleşdirilişi dersiniň maksady- bu dersiň çäginde Geňeş agzalaryna, hünärmenlerine Türkmenistanyň Maşgala kodeksi esasynda, maşgalany, eneligi, atalygy we çagalygy goramagyň döwlet kepillikleriniň bellenilmegi, maşgalanyň ykdysady taýdan özbaşdaklygynyň we onuň ähli agzalarynyň hal-ýagdaýynyň ýokarlanmagy üçin şertleriň döredilmegi bilen bagly maşgala hukuk gatnaşyklaryny, Türkmenistanyň maşgala kanunçylygyna laýyklykda, maşgalada çaganyň sagdyn ösmegi we kemala gelmegi üçin amatly şertleriň üpjün edilmegi, maşgalanyň işlerine başga biriniň gatyşmagyna ýol berilmezligi, maşgalanyň islendik agzasy babatda islendik görnüşdäki zorluk edilmegine ýol berilmezligi, maşgalada ata-enäniň zähmet işini maşgala borçlary bilen utgaşdyrmagy üçin amatly şertleriň döredilmegiň kadalaryny düýpli öwrenmek zerurlygy döreýär (gözegçiligiň görnüşi – hasap).
Maşgala hukuk-gatnaşyklary dersiniň maksady – bu dersiň çäginde welaýat, etrap, şäher halk maslahatlarynyň Türkmenistanyň maşgala kanunçylygyna laýyklykda, är-aýalyň, ata-eneleriň we çagalaryň, perzentlige alanlaryň we perzentlige alnanlaryň, maşgalanyň beýleki agzalarynyň arasyndaky şahsy emläk däl we emläk gatnaşyklary, perzentlige almak, hossarlyk (howandarlyk) bilen baglanyşykly ýüze çykýan gatnaşyklary, şeýle hem ata-enesiniň howandarlygyndan galan çagalary maşgala ýerleşdirmegiň görnüşlerini we tertibini, nikany bozmagyň, ony hakyky däl diýip ykrar etmegiň şertlerini we tertibini, raýat ýagdaýynyň namalarynyň döwlet tarapyndan bellige alynmagynyň tertibini düýpli öwrenmek zerurlygy döreýär. Ýerli halk maslahatlary öz saýlawçylary bilen işler alyp baranlarynda, olaryň ýüztutmalaryny kabul edenlerinde, olaryň agzalaryna Türkmenistanyň Maşgala kodeksi esasynda, maşgalany, eneligi, atalygy we çagalygy goramagyň döwlet kepillikleriniň bellenilmegi, maşgalanyň ykdysady taýdan özbaşdaklygynyň we onuň ähli agzalarynyň hal-ýagdaýynyň ýokarlanmagy üçin şertleriň döredilmegi bilen bagly maşgala hukuk gatnaşyklarynyň goraglylygy üpjün edenlerinde maşgala kadalaryny düýpli öwrenmek zerurlygy döreýär (gözegçiligiň görnüşi – hasap).
Ýaşaýyş jaý gatnaşyklarynyň kadalaşdyrylyşy dersiniň maksady - bu dersiň çäginde Türkmenistanyň Mejlisiniň deputatlaryna Türkmenistanyň ýaşaýyş jaý kanunçylygyna laýyklykda, ýaşaýyş jaý gatnaşyklarynyň döremegi, amala aşyrylmagyny, üýtgemegini we bes edilmegini, ýaşaýyş jaý gaznasynyň hasaba alynmagyny, ýaşaýyş jaýlaryny ulanmagyň, saklamagyň we abatlamagyň üpjün edilmegini, raýatlaryň ýaşaýyş jaý hukuklarynyň berjaý edilişine we ýaşaýyş jaýlarynyň maksatly peýdalanylyşyna gözegçilik edilmegi bilen bagly gatnaşyklary içgin öwrenilmegi zerur bolup durýar.
Türkmenistanyň raýatlarynyň abadanlaşdyrylan ýaşaýyş jaýyny almakda ýa-da edinmekde we özbaşdak ýaşaýyş jaýyny gurmakda döwletden goldaw almak, ýaşaýyş jaýynyň eldegrilmesizligi hem-de kanunda kesgitlenen esaslar bolmasa, ýaşaýyş jaýyndan mahrum edilip bilinmezligi barada Türkmenistanyň Konstitusiýasynda berkidilen hukuklaryny amala aşyrmagy üçin şertleri üpjün etmäge, ýaşaýyş jaý bazarynyň emele gelmegine we ösmegine gönükdirilen kadalary özleşdirmekligi maksat edinýär (gözegçiligiň görnüşi – hasap).
Maglumat hukugy dersiniň maksady - Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Hormatly Prezidentimiz Serdar Berdimuhamedowyň taýsyz tagallalary netijesinde Türkmenistan döwletiniň pajarlap ösmegine we bilim ulgamynyň ähli okuwlarynyň yzygiderli, ýokary hilli amala aşyrylmagyna uly mümkinçilikler döredilýär. Milli bilim edaralarynyň üpjünçilik, kanunçylyk esaslaryny, elektron hökümeti, sanly tehnologiýalary düýpli we hemmetaraplaýyn ösdürmek maksady bilen uzak möhletleýin maksatnamalar, konsepsiýalar, meýilnamalar hem-de olary durmuşa geçirmek maksady bilen häzirki zaman jemgyýetçilik gatnaşyklaryna mahsus bolan kadalaşdyryjy hukuk resminamalary işlenilip düzülýär. Hususan-da, “Berkarar döwletiň täze eýýamynyň Galkynyşy: Türkmenistany 2022 – 2052-nji ýyllarda durmuş-ykdysady taýdan ösdürmegiň Milli maksatnamasynda” we “Türkmenistanyň Prezidentiniň ýurdumyzy 2022 – 2028-nji ýyllarda durmuş-ykdysady taýdan ösdürmegiň Maksatnamasynda” ýurdumyzyň ykdysadyýetiniň pudaklarynyň ösüşini tizleşdirmek we ilata edilýän hyzmatlary ýeňilleşdirmek maksady bilen, saglygy goraýyş, bilim, syýahatçylyk, häkimlikleriň we döwlet statistikasynyň hyzmatlary, şeýle hem jemagat hojalygy, bank, ätiýaçlandyryş, aragatnaşyk, ilaty durmuş taýdan goramak, söwda, ulag we beýleki edaralaryň hyzmatlary sanly ulgam arkaly ýerine ýetirilmelidigi bellenilen. Döwlet tarapyndan edilýän hyzmatlary, has takygy, pasport, wiza, ygtyýarnamalar, ýer bölegini almagy resmileşdirmek, ýaşaýyş jaý-jemagat hyzmatlary, arhiw maglumatlar we beýlekileri üpjün edýän “Bir penjire” bitewi maglumat binýadyny döretmek hem-de “Eksport-import amallary üçin bir penjire” ulgamynyň işini guramak we işe girizmek, elektron usulynda gümrük jarnamalaryny resmileşdirmek, döwlet we gümrük serhetlerinde gözegçilikden geçirmegiň wagtyny azaltmak boýunça çäreleri durmuşa ornaşdyrmak maksatnamalarda öz beýanyny tapýar. Täze tehnologiýalaryň ýüze çykmagy we olaryň öwrenilmegi raýat jemgyýetiniň we döwletiň arasyndaky gatnaşyklarynyň giňeldilmegine öz täsirini ýetirýär. Maglumat işiniň çygrynyň giňeldilmegi, maglumat tehnologiýalaryň ösmegi bilen baglanyşykly kanunçylygyň kabul edilmegi we herekete girizilmegi, durmuşa ornaşdyrylmagy maglumat hukugynyň döremegine täsirini ýetirdi. Ylmy işlerde alymlar maglumat hukugynyň durmuşa ornaşandygyny ykrar edýärler. Maglumat hukugynyň düýpli öwrenilmegi maglumat işine-de oňyn täsir edýär. Nazaryýetde we tejribede maglumat hukugyna degişli örän köp möçberde çözülmedik meseleler ýüze çykýar. Bu hem ilkinji nobatda şol çygyrda hünärmenleriň ýetmezçilik etmegidir. Maglumat hukugynyň çuňňur öwrenilmegi diňe bir hukukçylara däl-de, eýsem, ähli döwlet gullukçylaryna, talyplara, aspirantlara, doktorantlara we beýleki maglumat tehnologiýa bilen gyzyklanýanlaryň hemmesine mahsusdyr. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
Halkara maglumat hukugy dersiniň maksady - Türkmenistan Halkara Elektroaragatnaşyk Birleşiginiň (HEB) agzasy bolmak bilen maglumat gatnaşyklary, şeýle hem olaryň hukuk meseleleri, kadalaşdyryjy namalary işläp düzmek boýunça işjeň gatnaşyklary amala aşyrýar. 1947-nji ýylda Birleşen Milletler Guramasynyň ýöriteleşdirilen edaralarynyň hataryna goşulmagy bolsa guramanyň eýeleýän ornuny has-da berkitdi. BMG-niň maglumat-aragatnaşyk tehnologiýalary ulgamynda iş alyp barýan esasy düzümi bolan HEB ählumymy radiospektr we hemra orbitalaryny ýaýratmak, aragatnaşyk serişdeleriniň hem-de tehnologiýalaryň üznüksiz arabaglanyşygyny üpjün edýän tehniki standartlaryny işläp taýýarlamak, internetiň elýeterli bolmadyk ýerlerinde bu ugurda hödürlenýän hyzmatlaryň hilini ýokarlandyrmak bilen bagly ugurlary esasy wezipesi hökmünde kesgitledi. Sanly ulgam we innowasion tehnologiýalar boýunça bilimi ýokarlandyrmak babatda Halkara Elektroaragatnaşyk Birleşiginiň akademiýasy hem hereket edýär. Akademiýa tarapyndan amala aşyrylýan “Sanly özgeriş merkezleri” taslamasynyň çäklerinde degişli hünärmenler, tehniki işgärler we talyplar üçin aýratyn okuw maksatnamalary işlenilip taýýarlanylýar. Bu halkara maglumat, kommunikasiýa we aragatnaşyk ulgamlarynda dünýä derejesinde toplanan tejribe bilen tanyşmaga we ony ornaşdyrmaga ýardam edýär. Innowasion özgertmeler bilen öňe barýan Türkmenistan Milli Liderimiziň we Hormatly Prezidentimiziň başlangyçlary esasynda maglumat meselelerini ösdürmek barada örän wajyp wezipeler öňe sürülýär. Şolaryň hatarynda öňdebaryjy maglumat-kommunikasiýa tehnologiýalaryny işjeň ornaşdyrmak we kiberhowpsuzlygy üpjün etmek wezipeleri bar. Şunuň bilen baglanyşykly häzirkizaman halkara derejesindäki maglumat hukuk gatnaşyklaryny öwrenmek, seljermek we milli hukuk namalara berkitmek derwaýys bolup durýar. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
Sanly ulgamda raýat-hukuk gatnaşyklary dersiniň maksady - Berkarar döwletimiziň Täze eýýamynyň Galkynyşy döwründe hormatly Prezidentimiziň taýsyz tagallasy bilen durmuşyň ähli ulgamlaryny gurşap alan özgertmeleriň çäklerinde ýurdumyzyň ykdysadyýetiniň dürli pudaklaryna täze innowasion tehnologiýalary, şol sanda sanly tehnologiýalary ornaşdyryp, elektron resminamalar dolanyşygyna hem-de elektron şahsyýetnamalar ulgamyna geçmek, bäsdeşlige ukyply sanly ykdysadyýeti, sazlaşykly işleýän elektron senagatyny döretmek, sanly aragatnaşyk babatynda şäherleriň we obalaryň arasyndaky tapawudy aradan aýyrmak wezipelerini öňe sürýär. “Sanly ulgamda raýat-hukuk gatnaşyklary” okuw dersiniň maglumat hukugynyň magistrlik okuw meýilnamasyna girizilmeginiň esasy maksady talyplarda sanly tehnologiýalaryň çalt ösmegini we raýat dolanyşygynyň ähli ugurlaryna çuňňur aralaşmagyny göz öňünde tutup, zerur bolup durýar. Raýat hukugy emläkleýin, emläkleýin däl şahsy gatnaşyklaryny düzgünleşdirýär. Sanly gurşawda raýat hukuklary obýektleriniň täze görnüşleri (sanly aktiwler, domen atlary, kompýuter programmalary, maglumat bazalary) we dolanyşygyň täze usullary (elektron söwda, onlaýn hyzmatlar, platforma ykdysadyýeti) ýüze çykýar. Sanly ulgamda raýat-hukuk gatnaşyklary nusgawy raýat hukuk institutlarynyň bu täze hakykatlara uýgunlaşdyrylandygy barada düşünje berýär. Sanly ulgamdaky özara gatnaşyklaryň ep-esli bölegi şertnamalar (ygtyýarnama şertnamalary, harytlary we hyzmatlary onlaýn satmak we satyn almak şertnamalary) esasynda amala aşyrylýar. Bu ders, şeýle şertnamalary baglaşmagyň, ýerine ýetirmegiň we ýatyrmagyň aýratynlyklaryny, şeýle hem olaryň bozulmagy üçin jogapkärçilik meselelerini çuňňur öwrenmäge mümkinçilik berer. Elektron söwda we onlaýn hyzmatlar sarp edijileri goramak boýunça aýratyn meseleleri gozgaýar. “Sanly ulgamda raýat-hukuk gatnaşyklary” dersi, bu gatnaşyklary düzgünleşdirmegiň aýratynlyklaryny, şol sanda maglumat üpjünçiligi, töleg howpsuzlygy, önümiň girdejisi we satyjynyň jogapkärçiligi ýaly meseleleri öz içine almalydyr. Şahsy durmuşyň eldegrilmesizligi we şahsy maglumatlary goramak hukugy raýat hukuk gatnaşyklary bilen berk baglanyşykly. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
Intellektual eýeçilik hukugynyň esaslary dersiniň maksady - Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň ylmyň we tehnologiýalaryň ileri tutulýan ugurlaryna gönükdirilen döwlet syýasaty netijesinde jemgyýetimiziň we döwletimiziň ylym-bilim binýady has-da pugtalanýar. Intellektual eýeçilik dürli görnüşli oýlap tapyşlary öz içine alyp bilýär. Şu nukdaýnazardan alanyňda, Maglumat hukugy ugry boýunça “Intellektual eýeçilik hukugynyň esaslary” dersiniň okuw maksatnamasynyň taýýarlanmagynyň ähmiýeti örän ýokarydyr. Bu okuw maksatnamasynyň esasy maksady hormatly Prezidentimiziň döwletimizi ösüşiň täze belentliklerine alyp barýan syýasatynyň mazmunyny talyp ýaşlara düşündirmekden, aň-paýhas işine esaslanýan zähmeti höweslendirmekden, şeýle hem talyplaryň milli intellektual eýeçilik, oýlap-tapyşlar bilen baglanyşykly düşünjelerini has-da giňeltmekden we çuňlaşdyrmakdan ybaratdyr. Maglumat hukugynyň täze binýatlaýyn bölegi hökmünde intellektual eýeçiligiň ýüze çykmagynyň taryhy häsiýetini açyp görkezmekden, oňa akyl ýetirmekden, talyplarda ýurdumyzy ösdürmekde kanunçylygy öwretmek bilen, olarda intellektual eýeçiligi kesgitläp bilmek ukyplaryny hem-de amatly dolandyryş çözgütleri kabul edip bilmek başarnyklaryny kemala getirmekden ybaratdyr. Mundan başga-da, hukuk goragy bolan intellektual işiň gymmatly netijelerini we olara deňleşdirilen hususy serişdelerini önümçilik gurşawynda döredýän we alyş-çalyş ulgamynda durmuşa geçirýän bazar ykdysadyýetiniň ýagdaýlaryny seljermekden hem-de döredijilikli zähmeti ösdürmekden ybaratdyr. Bu meseleler umumyhünär dersleriniň düzüminde Maglumat hukugy ugry boýunça magistrleri taýýarlamagyň tapgyrlarynda öwrenilmelidir. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
Maglumat-hukuk jogapkärçiligi dersiniň maksady - talyplara Türkmenistanda hereket edýän milli we halkara maglumat hukuk kadalaşdyryjy namalaryny, häzirki zaman maglumat hukugy we onuň jogapkärçiligi bilen baglanyşykly ýüze çykýan gatnaşyklaryny öwretmekdir. Maglumata elýeterlilik, onuň gizlinligi, şahsy maglumatlary goramak, köpçülikleýin habar beriş serişdeleriniň we Internetiň hukuk düzgüni we maglumat gurşawyndaky intellektual eýeçilik meseleleri babatda ýüze çykýan hukuk jogapkärçiliginiň özüne mahsus alamatlary bolup, ol döwletiň kadalaşdyryjy hukuk namalarynda göz öňünde tutulýar we maglumat çygrynda hukuk bozulmalary ýüze çykanda olar barada terbiýeçilik, mejbur ediji, täsir ediji häsiýeti çäreleri ulanmakda hukuk kadalaryny dogry we doly ulanyp bilmekden ybaratdyr. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
Ylmy-barlag usullary dersiniň maksady - talyplara hukuk düşünjesi kämil, analitik we tejribe ukyplarynyň (başarnyklarynyň) giň spektrine eýe bolan ýokary hünärli gullukçylaryny taýýarlamak bolup durýar. Döwlet häkimiýeti edaralarynyň işiniň ylmy esaslarda alnyp barylmagy döwlet gullukçylarynyň ylmy edebiýatlardan peýdalanyp bilmek başarnygyna we ylmy-seljeriş ukyp-başarnyklarynyň bolmagy bilen hem baglanyşyklydyr. Ylmy-barlag usullaryndan baş çykaryp bilmek, alynan maglumatlara doly we dogry baha berip, maglumat jemgyýetiniň ösüşinde döwletiň we kanunyň wezipelerini derňemek hem-de hukuk ylmynyň usulyýet meselelerini öwrenmek, nazaryýet-tejribeleýin bilimleriniň binýadynda hünär wezipeleri ýerine ýetirilende, ylmy taýdan esaslandyrylan çözgütleriň kabul edilmegini üpjün etmek boýunça amaly ukyplary ösdürmekden ybaratdyr. Bu ders magistrleri taýýarlamagyň Maglumat hukugy ugry boýunça − okuwyň möhleti bir ýyl okuwyň (synag) okatmak üçin niýetlenendir.
