Menejment dersiniň maksady – döwlet gullukçylaryny häzirki zaman ykdysadyýetiniň dolandyrylyşyna degişli ylmy-nazary garaýyşlaryň giň toplumy bilen tanyşdyrmakdan, olarda dolandyryş endiklerini we başarnyklaryny ösdürmekden, Türkmenistanyň milli ylym we bilim ulgamynda innowasion multimedia tehnologiýalarynyň we interaktiw usullarynyň giňden ulanylýan döwründe dolandyryş işgärleriniň hünär taýýarlygynyň derejesi­ni kämilleşdirmekden ybaratdyr. Dersiň iş maksatnamasynda ykdysadyýetiň dolandyrylyşynyň halkara tejribesi we Türkmenistanda milli ykdysadyýetiň amala aşyrylyşy barada giňişleýin maglumatlar berilýär. Bu ders 2 ýyllyk (2-nji ýyldaky) okuwlar üçin niýetlenendir. (Gözegçilik görnüşleri: synag, semestr ara gözegçilik, ýyllyk işi.)

Türkmenistanyň durmuş-ykdysady ösüşiniň döwlet kadalaşdyrylyşy dersiniň maksady – döwlet gullukçylaryna häzirki zamanda ýurduň durmuş-ykdysady ösüşini we bazaryň talaplaryna laýyk gelýän innowasion özgertmeleri amala aşyrmakda döwlet kadalaşdyryşyň orny, ulanýan usullary we döredilýän ykdysady amatlyklary, dolandyryş meselesine degişli taryhy döwürler boýunça ykdysady taglymatlaryň ewolýusiýasy we häzirki zaman ylmy garaýyşlary düşündirmek bolup durýar. Şeýle hem, Türkmenistanyň durmuşa gönükdirilen milli bazar nusgasynyň aýratynlyklary we ýörelgeleri, ýurduň ykdysady syýasatynyň wajyp düzümleri bolan pul-karz, salgyt-býujet, içerki we daşarky maýa goýum syýasatlaryň  aýratynlyklary, bazar gatnaşyklaryna geçiş döwründe bäsleşige ukyply milli ykdysadyýetiň kemala getirilmeginde hususy we telekeçilik işiniň ösdürilmeginiň wajyplygy baradaky temalar maksatnamada wajyp orun tutýar. Bu ders 2 aýlyk, 5 aýlyk we 2 ýyllyk (1-nji ýyldaky) okuwlar üçin (gözegçilik görnüşi – synag), şeýle hem 4 aýlyk (gözegçilik görnüşi – hasap,synag) okuwlar üçin niýetlenendir.

Hili dolandyrmak INKOTERMS dersiniň maksady – diňleýjileri harytlaryň, önümleriň we hyzmatlaryň dürli görnüşleriniň ülňüleşdirilişiniň hem-de olaryň şahadatnamalaşdyrylyşynyň ugurlary, kabul edilen düzgünleri we hukuk esaslary bilen tanyşdyrmakdan, ülňüleşdirme we şahadatnamalaşdyrma işleriniň ähmiýetini düşündirmek arkaly olaryň hünärini ýokarlandyrmakdan ybaratdyr. Bu ders okadylanda halkara tejribesi göz öňünde tutulyp, degişli temalar Türkmenistanyň materiallary esasynda düşündirilýär. Bu ders 4 aýlyk okuwlar üçin niýetlenendir. (Gözegçilik görnüşi – hasap.)

Bazar ykdysadyýetiniň esaslary dersiniň maksady – bazar ykdysadyýetiň nazary esaslaryny, ykdysady kanunlara laýyklygyny, şertlerini, durnukly ösüşine täsir edýän faktorlaryny, bu maksatlara ýetmekde makro derejedäki we mikroderejedäki görkezijileriň deňeçerlenen gatnaşyklarynyň üpjün edilmeginiň zerurlygyny, milli aýratynlyklaryny döwlet gullukçylarynyň aňyna ýetirmekden ybaratdyr. Şeýle hem, ykdysadyýeti ösdürmekde we halkara haryt we maliýe bazarlaryna goşulyşmakda pul, karz we maliýe gatnaşyklaryň ulgamlaýyn bazar talaplaryna laýyk ösdürilmeginiň, milli ykdysadyýeti bazar durkuna geçirmekde hususy eýeçiliginiň we telekeçiligiň we olaryň eýeçilik hukuklarynyň goralmagynyň wajyplygy barada maglumat berilýär. Bu ders 5 aýlyk okuwlar (gözegçilik görnüşi – hasap) we 2 ýyllyk (1-nji ýyldaky) okuwlar üçin niýetlenendir (gözegçilik görnüşi –  synag).

Maýa goýum işi dersiniň maksady – döwlet gullukçylaryna maýa goýum syýasaty we ýurtda amala aşyrylýan degişli özgertmeler, döwlet maksatnamalary we maýa goýum taslamalary, olary amala aşyrmagyň guramaçylyk kadalary, maýa goýumlar babatdaky jemgyýetiň zerurlygy we täjirçilik bähbidi, milli hojalykda toplanýan süýşürintgiler, maliýe akymlar, ýurduň maýa goýum mümkinçiligi, daşyndan çekilýän maýalary milli ykdysadyýeti ösdürmekde has netijeli peýdalanmak babatdaky meseleleri giňişleýin düşündirip, olary gaýtadan taýýarlamakdan ybaratdyr. Bu ders 2 ýyllyk (2-nji ýyldaky) okuwlar üçin niýetlenendir. (Gözegçilik görnüşi –  hasap)

Marketing dersiniň maksady – döwlet gullukçylaryny bazary öwrenýän marketing ylmynyň taryhy ösüşi we gazananlary, marketingiň öňdebaryjy halkara tejribesi, marketing derňewleriniň esasy ugurlary we usullary, haryt we nyrh syýasatlarynyň ýöredilişi, harytlaryň ýaýradylyşy we herekete getirilişi bilen giňişleýin tanyşdyrmakdan ybaratdyr. Şeýle hem diňleýjiler “Türkmenistanyň durmuş-ykdysady ösüşiniň 2011-2030-njy ýyllar üçin Milli maksatnamasynyň” çäginde ýurtda alnyp barylýan marketing işler bilen giňişleýin tanyşdyrylýar. Bu ders 5 aýlyk we 2 ýyllyk (1-nji ýyldaky) okuwlar üçin niýetlenendir. (Gözegçilik görnüşi – hasap)

Buhgalter hasaby we hasabyň halkara standartlary dersiniň maksady – döwlet gullukçylaryny gaýtadan taýýarlamak maksady bilen, olara bazar ykdysadyýeti şertlerinde kärhanalar tarapyndan hojalygy netijeli ýöretmek, olaryň ygtyýaryndaky serişdeleri paýhasly hem-de rejeli ulanmak, häzirki wagtdaky ýiti bäsleşikde ýeňilmekden, batyp galmakdan we ýatyrylmak howpdan azat galmak barada giňişleýin düşündirmekden ybaratdyr. Bu ders diňleýjilere kärhananyň işlerini gündelik barlap durmak, onuň baş ýörelgesini meýilnamalaşdyrmak, serişdelerini rejeli peýdalanmak, iş netijelerine aýdyň baha bermek, balans we buhgalter hasabaty düzmek, halkara hasabyň ülňileri ýaly meseleleri öwredýär. Bu ders 2 ýyllyk (1-nji ýyldaky) okuwlar üçin niýetlenendir. (Gözegçilik görnüşi – hasap)

Buhgalter hasaby, maliýe hasabaty we audit dersiniň maksady – sosial we beýleki ulgamlarda işleýän döwlet gullukçylarynyň hünärini ýokarlandyrmak maksady bilen, olara bazar ykdysadyýeti şertlerinde kärhanalar tarapyndan hojalygy netijeli ýöretmek, olaryň ygtyýaryndaky serişdeleri paýhasly hem-de rejeli ulanmak, häzirki wagtdaky ýiti bäsleşikde ýeňilmekden, batyp galmakdan we ýatyrylmak howpdan azat galmak barada giňişleýin düşündirmekden ybaratdyr. Mundan başga-da, bu ders diňleýjileri kärhananyň işlerini gündelik barlap durmak, onuň baş ýörelgesini meýilnamalaşdyrmak, serişdelerini rejeli peýdalanmak, iş netijelerine aýdyň baha bermek, balans we maliýe hasabat we auditorlyk netijenama düzmek meseleleri bilen tanyşdyrýar. Bu ders 5 aýlyk okuwlar üçin niýetlenendir. (Gözegçilik görnüşi – hasap)

Buhgalter hasaby, audit we maliýe hasabatlygynyň halkara standartlary dersiniň maksady – kommersiýa arbitražy boýunça döwlet gullukçylarynyň hünärini ýokarlandyrmak maksady bilen, olara bazar ykdysadyýeti şertlerinde kärhanalar tarapyndan hojalygy netijeli ýöretmek, olaryň ygtyýaryndaky serişdeleri paýhasly hem-de rejeli ulanmak arkaly häzirki wagtdaky ýiti bäsleşikde ýeňilmekden, batyp galmakdan we ýatyrylmak howpdan azat galmak barada giňişleýin düşündirmekdir. Şeýle hem, döwlet gullukçylaryna ykdysadyýetiň bazar şertlerinde täjirçilik geleşikleri amala aşyrylmak üçin zerur bolan buhgalter hasaplamalaryň taýýarlanylyşyny we olaryň halkara ülňilerini öwretmek arkaly, olaryň hünär derejeleri ýokarlandyrylýar. Bu ders 4 aýlyk okuwlar üçin niýetlenendir. (Gözegçilik görnüşi – hasap)

Makroykdysadyýet dersiniň maksady – diňleýjilere döwletiň ykdysady syýasatynyň netijeliligini ýokarlandyrmak boýunça milli önümçiligiň möçberini yzygider ýokarlandyrmak, pul-karz we salgyt-býujet syýasatlaryny alyp barmak, bahalaryň durnukly ýagdaýyny saklamagyň netijesinde hümmetsizlenmegiň pes derejesini üpjün etmek, iş bilen üpjünçiligiň amatly derejesini gazanmak hem-de töleg balansynyň oňyn ýagdaýyny saklamak üçin degişli ykdysady amallary ýerine ýetirmegiň esasy ugurlary, şeýle hem bar bolan ykdysady mümkinçilikleri dürli modeller arkaly düşündirmekden ybaratdyr. Okuw maksatnamasynda esasy makroykdysady meselelere, milli hasaplar ulgamyna, multiplikator nazaryýetine, makroykdysady durnuklylyga we AD-AS hem-de IS-LM modellerine, açyk ykdysadyýetiň nazaryýetine aýratyn orun berlip, olar anyk şekilleriň, grafikleriň, jetwelleriň ulanylmagy arkaly görkezilýär. Bu ders 2 ýyllyk (1-nji ýyldaky) okuwlar üçin niýetlenendir. (Gözegçilik görnüşi – hasap)

Statistika we demografiýa dersiniň maksady – döwlet gullukçylaryny statistiki gözegçilik işi, wariasiýanyň statistika taýdan öwrenilişi, dinamiki indeksler, ilat we durmuş statistikasy, makroykdysady statistika we birnäçe beýleki meseleler boýunça okadyp, olary gaýtadan taýýarlamak bolup durýar. Diňleýjiler Türkmenistanyň ösüşiniň häzirki tapgyrynda ykdysadyýeti dolandyrmakda dogry çözgütleri kabul etmegi, statistiki görkezijiler arkaly seljeriş işini amala aşyrmaklygy öwrenýärler. Bu ders 2 ýyllyk (2-nji ýyldaky) okuwlar üçin niýetlenendir. (Gözegçilik görnüşi – synag)

Sosial statistika we demografiýa dersiniň maksady – sosial pudagynda işleýän döwlet gullukçylarynyň hünärini ýokarlandyrmak maksady bilen, olara Türkmenistanyň ykdysadyýetiniň häzirki ösüş döwründäki dolandyrmak işinde dogry çözgütleri kabul etmek üçin maglumatlaryň tutýan orny, ykdysady we sosial syýasatyň durmuşa geçirilişiniň netijelerini doly görkezýän görkezijiler arkaly seljeriş işiniň amala aşyrylyşy, giň mazmunly maglumatlaryň hasaplanyş usullary öwredilýär. Bu ders 5 aýlyk okuwlar üçin niýetlenendir. (Gözegçilik görnüşi – hasap)

Sanly ykdysadyýet we döwlet dolandyryşynda sanly ulgamlar dersiniň maksady –diňleýjilere Türkmenistanyň Prezidentiniň döwlet ýolbaşçylarynyň we gullukçylarynyň kompýuter sowatlylygyny ýokarlandyrmak boýunça okuwlary guramak barada tabşyryklardan ugur alyp,maglumatlar tehnologiýasy barada bilimleri bermekden, diňleýjilere dolandyryş elektron ulgamy, ony döretmegiň ýörelgelerini we bu ulgama geçmegiň ähmiýeti, onuň ösüş stretegiýasy resminama aýlanşygy hukuk esaslary  barada düşünje bermekden, kompýyter programmalaryny ulanmaklygyň mümkinçiliklerini öwrenmekden we olary işletmek we döwlet iş dolandyryşynda innowasion şertleri döretmek we üpjün etmek boýunça iş endikleri kämilleşdirmekden ybaratdyr. Bu ders 2 aýlyk (gözegçilik görnüşi – hasap), 5 aýlyk okuwlaryň (gözegçilik görnüşi – synag), şeýle hem 2 ýyllyk (2-nji ýyldaky) okuwyň dowamynda (gözegçilik görnüşleri – synag, döwlet synagy we hasap) okatmak üçin niýetlenendir.

Daşary ykdysady aragatnaşyk dersiniň maksady – döwlet gullukçylaryny gaýtadan taýýarlamak maksady bilen, ýurdumyzyň daşary syýasaty esasynda alnyp barylýan halkara ykdysady gatnaşyklar, dünýä hojalygyndaky halkara söwda, kapital, hyzmat, maliýe, walýuta-karz gatnaşyklarynda ulanýan kadalar we däpler, olaryň häzirki wagtdaky unifisirlenen görnüşde ulanylyşy we milli hojalygyňkydan tapawut edişi, milli syýasy-ykdysady we guramaçylyk-hukuk şertleri, milli kanunlar we halkara ylalaşyklar, kanunçylyk namalar bilen giňişleýin tanyşdyrmakdan ybaratdyr. Şeýle hem, diňleýjilere ýurdumyzda hususy eýeçilige we telekeçilige giň ýol açylmagy bilen olaryň ykdysady mümkinçilikleri, kärhanalaryň, telekeçileriň geljekde  milli haryt we hyzmat eksportýorlar we maýadarlar hökmünde çykyş etmäge bolan mümkinçilikleri barada giňişleýin düşündirilýär. Bu ders 5 aýlyk  okuwlar üçin niýetlenendir. (Gözegçilik görnüşi –  hasap)

Durnukly ösüşiň maksatlary we adam kapitalynyň görkezijileri  dersiniň maksady –dam kapitalynyň meselelerini öwrenmek üsti bilen durnukly ösüşiň maksatlaryna ýetme ýollaryna kesggitlemekde döwlet gullukçylarynyň ukybyny güýçlendirmekden bolup durýar. Dersiň prerekwizitleri bolup “Bazar ykdysadyýetiniň esaslary” we “Marketing” dersleri çykyş eder. “Durnukly ösüşiň maksatlary we adam kapitalynyň görkezijileri” dersiniň postrekwizitleri bolup “Türkmenistanyň durmuş-ykdysady ösüşiniň döwlet kadalaşdyrylyşy “ we “Daşary ykdysady aragatnaşyklar “ ýaly dersler çykyş eder. Bu ders 5 aýlyk okuwlar (gözegçilik görnüşi – hasap) okuwlar üçin niýetlenendir.

Ykdysady howpsuzlyk we töwekgelçilik dersiniň maksady – döwlet gullukçylaryny gaýtadan taýýarlamak we hünärlerini ýokarlandyrmak maksady bilen, ýurduň häzirki zaman bazar gatnaşyklardaky ykdysadyýetini dolandyrmak, ýetilen sepgitler, döwrebap halkara öňde baryjy usullar we milli aýratynlyklar, ykdysady howpsuzlyk, töwekgelçiligi peseltmekden ýa-da düýpleýin aýyrmak meseleleri bilen tanyşdyryp, olarda giň dünýä garaýyş we ykdysadyýeti dolandyrmak endiklerini we başarnyklaryny döretmekden ybaratdyr. Bu ders 2 ýyllyk  (1-nji ýyldaky) okuwlar üçin niýetlenendir. (gözegçilik görnüşi – hasap)

Logistikanyň esaslary dersiniň maksady – döwlet gullukçylarynyň Türkmenistanyň ykdysady hyzmatdaşlygy giňeltmäge hem-de hemmetaraplaýyn ösdürmäge mümkinçilik berýän dünýä ösüşiniň logistik nusgasyny diwersifikasiýalaşdyrmaga ygrarly bolmak bilen, goňşy ýurtlary ägirt uly üstaşyr kuwwatdan bilelikde netijeli peýdalanmaga çagyrýar.Munyň özi sebitde uly ykdysady peýda getirýär. Häzirki döwürde logistika dünýäde giňişleýin ulanylýar we köp ykdysatçylaryň belleýşi ýaly logistika meseleleri çözmän bazar ykdysadyýetiniň bäsleşiginde ýeňmek örän kyn. Bu ders 2 ýyllyk (2-nji ýyldaky) okuwlar üçin niýetlenendir. (Gözegçilik görnüşi – hasap)

Döwlet we ýerli dolandyryşyň esaslary dersiniň maksady – Türkmenistanyň durmuş-ykdysady we medeni ösüş maksatnamalaryndan gelip çykýan wezipeleri ýerine ýetirmek, şeýle hem döwlet gullukçylarynyň dolandyryjy usullaryny kämilleşdirilmek boýunça akademiýanyň diňleýjileriniň hünär ukyplaryny, amaly endiklerini ýokarlandyrmak bolup durýar. Türkmenistanyň döwlet häkimiýet we dolandyrylyş gurluşynyň kanunçylyk esaslaryny, döwlet we ýerli dolandyryş edaralaryň esasy ygtyýarlyklaryny we wezipelerini, durmuş-ykdysady we medeni ösüş maksatnamalary işläp düzmegiň we amala aşyrmagyň guramaçylyk usullaryny kämilleşdirmek boýunça diňleýjileriň bilim derejelerini artdyrmaklyk göz öňünde tutulýar. Bu ders 5 aýlyk okuwlar (gözegçilik görnüşi – hasap) we 2 ýyllyk (2-nji ýyldaky) okuwlar üçin (gözegçilik görnüşi – hasap) niýetlenendir.

Döwlet we ýerli dolandyryş dersiniň maksady – Türkmenistanyň durmuş-ykdysady we medeni ösüş maksatnamalaryndan gelip çykýan wezipeleri ýerine ýetirmek, şeýle hem döwlet gullukçylarynyň dolandyryjy usullaryny kämilleşdirilmek boýunça akademiýanyň diňleýjileriniň hünär ukyplaryny, amaly endiklerini ýokarlandyrmak bolup durýar. Türkmenistanyň döwlet häkimiýet we dolandyrylyş gurluşynyň kanunçylyk esaslaryny, döwlet we ýerli dolandyryş edaralaryň esasy ygtyýarlyklaryny we wezipelerini, durmuş-ykdysady we medeni ösüş maksatnamalary işläp düzmegiň we amala aşyrmagyň guramaçylyk usullaryny kämilleşdirmek boýunça diňleýjileriň bilim derejelerini artdyrmaklyk göz öňünde tutulýar. Bu ders 2 ýyllyk (2-nji ýyldaky) okuwlar üçin (gözegçilik görnüşi – hasap) niýetlenendir.

Döwlet we ýerli dolandyryş nazaryýeti dersiniň maksady –Döwlet dolandyryşynyň ylmy ders hökmünde ösdürmegiň tapgyrlary  bilen tanyşdyrmaga gönükdirilendir. Mundan başgada  Döwlet dolandyryşynyň we hökümet görnüşleri  Döwlet dolandyryş ulgamy we wezipeleri, döwlet dolandyryşynyň,  maksatlaryny emle getirmek, Döwlet dolandyryşynda kommunikasiýa, adam resuslaryny dolandyrmak ýaly temalar boýunça meselelere serediler.Bu ders 2 ýyllyk (1-nji ýyldaky) okuwlar üçin (gözegçilik görnüşi – synag, döwlet synagy) niýetlenendir.

Guramaçylyk menejment dersiniň maksady – “Guramaçylyk menejmenti”, döwlet häkimiýet we dolandyryş edaralarynda netijeli özara gatnaşyklaryň gurnalyşyny öwrenýän, hökmany okuw (kurs) bolup durýar.   Bu okuwda siz, guramada baş ýörelgäni işläp taýýarlamakda we seljermekde, strategik maksatnamalara we dolandyryşa baha bermekde, özüňi netijeli alyp barmagy ösdürip bilersiňiz.   Şeýle hem dolandyryş endiklerini we toparda işlemek ukybyny ösdürmäge mümkinçilik bolar. “Guramaçylyk menejmenti” (syýasy, durmuş taýdan we ykdysady, önümçilik, tehnologik, ylmy-barlag, döredijilik ýaly) bilelikde utgaşdyrylýan işi hem-de döwlet ulgamyna degişli guramalarynyň (edaralarynyň) we maglumatlary toplamak we taýýarlamak; meýilleşdirmek we ylmy çaklaýyş; döwlet edaralarynyň baş ýörelgesini işläp düzmek we olaryň işini gurnamak; gözegçilik we hasap, şol sanda statistika (hasabat) ýaly, belli bir işleri ýerine ýetirýän döwlet gullukçylarynyň üsti bilen işi dolandyryşy üpjün edýän döwlet edaralarynyň derejesinde durmuşy dolandyryşyň bir görnüşi bolup durýar. Bu ders 2 ýyllyk okuwlar üçin niýetlenendir. (Gözegçilik görnüşleri: synag)

Ykdysadyýet (pudaklar boýunça) dersiniň maksady – Dersiň maksady pudaklaryň ykdysady çäklerini kesgitlemek, milli ykdysadyýetiň dürli pudaklaryna degişli kärhanalaryň (firmalaryň) ykdysady we jemgyýetçilik ösüşiniň aýratynlyklary, şeýle hem özara gatnaşyklaryň ýörelgeleri we usullary boýunça okuwçylaryň bilimlerini emele getirmek."Ykdysadyýet (pudaklar boýunça)" dersiň çäginde magistrlarda çuňňur bilimleri emele getirmek arkaly häzirki zaman ykdysadyýetiniň innowasiýa ösüşiniň häzirki talaplaryna laýyk gelýän ýokary hünärli hünärmenleri taýýarlamak amala aşyrylar. Halk hojalygynyň pudaklaryny ösdürmek, işewürlige bäsdeşlik ukybyny hem üstünlikli durmuşa geçirmek üçin hünär başarnyklary we amaly başarnyklary döretmek."Döwlet dolandyryşy ugry boýunça magistri taýýarlamak" okuwy boýunça ykdysatçylar, firmanyň strategiki we amaly dolandyryşy ugrundaky dürli terezilerdäki meseleleri çözmek üçin tälim alýarlar, dürli pudak guramalarynyň netijeliligini ýokarlandyrmak üçin bilimleri we başarnyklary ulanýarlar. Bu dersiň esasy maksady ýurdumyzda ösdürilýän ähli pudaklaryň aýratynlyklaryny we ykdysady meselelerini içgin öwrenmek üsti bilen ykdysadyýetiň ähli pudaklaryny durnukly ösdürmek boýunça maksatnamalarda goýlan maksatlaryna ýetmekde hünärmenleriň ukybyny güýçlendirmek.Bu ders 2 ýyllyk (2-nji ýyldaky) okuwlar üçin (gözegçilik görnüşi – synag) niýetlenendir.

Ýerli öz-özüňi dolandyryşyň esaslary dersiniň maksady – “Ýerli öz-özüňi dolandyryş” döwlet (şäher) işgärleri üçin okadylýan “Döwlet dolandyryş” okuw meýilnamasynyň esasyny düzýän iň möhüm we ýöriteleşdirilen derslerden biridir. Şäher häkimliginiň işgäri, esasy wezipelerini ýerine ýetirmek bilen, belli bir derejede döwlet häkimiýetiniň ýokary we merkezi edaralary bilen aragatnaşyk saklaýar we konstitusiýa, dolandyryş we şäher kanunlarynyň kadalary bilen düzgünleşdirilýän dürli gatnaşyklara girýär.Şonuň üçin şäher hukugyny öwrenmegiň zerurlygy we ähmiýeti, milli hukugyň beýleki şahalary, şeýle hem esasy hukuk dersleri, tebigaty we bu ugurda ösýän jemgyýetçilik gatnaşyklarynyň ähmiýeti bilen kesgitlenýär. Häzirki wagtda Türkmenistanyň sosial-ykdysady ösüşiniň häzirki tapgyrynyň esasy maksatlaryndan biri döwlet dolandyryşyny döwrebaplaşdyrmak, gurluşyny rasionallaşdyrmak we netijeliligini ýokarlandyrmak. Döwlet dolandyryşyny döwrebaplaşdyrmak, öz gezeginde, aýry-aýry döwlet ulgamy hökmünde döwlet dolandyryşynyň täze döwlet ideologiýasyny, kanun çykaryjy we hukuk usulyýetini, wezipelerini we wezipelerini üýtgetmegi göz öňünde tutup, ähli derejedäki döwlet işgärlerini taýýarlamagy, kärlerini ýokarlandyrmagy öz içine alýar.Bu ders 2 aýlyk okuwlar (gözegçilik görnüşi – hasap) we 2 okuwlar üçin (gözegçilik görnüşi – synag) niýetlenendir.

Makro ykdysady nazaryýet we syýasat dersiniň maksady – Birinjiden, makroykdysadyýetimiziň çaltlandyrylyp ösdürilmegi, ikinjiden, maddy gymmatlyklary adalatly paýlamak hyzmat eder.Aýratyn bellemeli pursat – ýokary depginli makroykdysady ösüşiň maliýe çökgünliginiň kynçylykly döwründe gazanylmagy bilen baglanyşyklydyr. Türkmenistanda dünýä maliýe çökgünliginiň üstünlikli ýeňlip geçilmegi maliýe-ykdysady we durmuş-hukuk häsiýetli çäreleriň görülmegi bilen utgaşdyrylan netijeli döwlet kadalaşdyrylyşynyň netijesinde amala aşyryldy. Bu syýasaty amala aşyrmak boýunça döwlet gullukçylarynyň ulgamyny ösdürmek, kämilleşdirmek hem-de döwrebaplaşdyrmak örän wajyp bolup durýar.Türkmenistanyň Prezidentiniň ýanyndaky Döwlet gullugy akademiýasynyň diňleýjileri üçin makroykdysadyýet dersiniň ähmiýeti ulydyr.Bu ders 2 ýyllyk) okuwlar üçin niýetlenendir. (gözegçilik görnüşi – synag)

Döwlet maksatnamalarynyň täsirini bahalandyrmak dersiniň maksady – “Döwlet maksatnamalarynyň täsirini bahalandyrmak” dersiniň düşünjesi Dünýä jemgyýetçiliginiň doly agzasy hökmünde Türkmenistan milli döwletliligiň hakyky demokratik hem-de hukuk binýadyny ösdürýär, onuň esasy gymmaty bolsa, adam, onuň hukuklary we azatlyklary bolup durýar. Häzirki wagtda adam, Prezident Gurbanguly Berdimuhamedow tarapyndan yzygiderli we maksada okgunly hem-de syýasy ileri tutulýan ugurdyr.Islendik döwletiň hakyky demokratiýasynyň we gumanizminiň esasy kesgitleýji ölçegi, döwletiň esasy kanunynda adam we raýat hukuklaryny we azatlyklaryny üpjün etmek üçin edilýän çäreler bolup durýar. Jemgyýetiň ösüşi we gülläp ösmegi diňe adamyň gymmatynyň iň ýokary derejede bolmagynda we onuň hukuklary we erkinligi döwletiň manysy we maksady bolan ýagdaýynda mümkindir. Şonuň üçin Döwlet syýasatyny seljermek we ýetirilýän täsirlere baha bermek üçin goýulýan maýa goýumlar häzirki zaman döwletiniň we Türkmenistanyň üstünlikli geljeginiň esasy bolup durýar.Bu ders 2 ýyllyk okuwlar üçin niýetlenendir. (gözegçilik görnüşi – synag)

Ykdysadyýetiň we bazar gatnaşyklarynyň nazaryýeti Interaktiw maslahatlaşmak görnüşinde geçirilýän  sapaklaryň  çäginde  ykdysadyýet we onuň gurluşy baradaky esasy düşünjeleri, ykdysadyýetiň ösüşiniň alamatlaryna  we netijeliligine degişli meseleleri we ykdysady ulgamlaryň görnüşleri we modelleri bilen magistrantlar giňişleýin tanyşdyrylar. Esasy ünsi diňe makro derejedäki meselerine däl-de, eýsem mikro ykdysadyýetdäki bazar gatnaşyklaryna we bazar görkezijilerine (isleg we teklip, önümçiligiň möçberi we baha, bäsdeşlik, maýa goýumlar)  hem uly üns beriler. Sapaklaryň dowamynda bazar ykdysadyýetiniň esasy adalgalaryna we düşünjelerine, şeýle hem olaryň özara baglanşygyna we işleýiş  kadalaryna we  aýratynlyklaryna üns beriler.Bu 2 ýyllyk (1-nji ýyldaky) okuwlar üçin (gözegçilik görnüşi – synag) niýetlenendir.

Strategiki meýilnamalaşdyrmak dersiniň maksady – diňleýjileri dünýä ykdysady giňişliginiň tutuşlygyna globallaşmagynyň şertlerinde Türkmenistanyň durmuşa gönükdirilen bazar ykdysady ulgamyny ösdürmek boýunça strategik meýilnamalaşdyryş boýunça bilimlerini kämilleşdirmek, amaly ukyplylygyny giňeltmek we tejribe derejelerini ýokarlandyrmakdyr. Şol sanda, diňleýjilere milli ykdysady syýasat, onuň pudaklaýyn we sebitleýin wezipeleri, gysga we uzakmöhletli maksatnamalary, dünýä ykdysady giňişliginiň tutuşlygyna globallaşmagynyň şertlerinde milli bazarlaryň barha biri-birine ýakynlaşmaklary sebäpli ösen döwletlerinde giňden ulanylýar baş ýörelge meýilnamalary işläp düzmek meselelerini öwredip, olaryň bilimlerini kämilleşdirmekden ybaratdyr. Bu 2 ýyllyk (2-nji ýyldaky) okuwlar üçin niýetlenendir. (Gözegçilik görnüşi – synag)

Sanly dolandyryş dersiniň maksady – Häzirki döwürde Türkmenistanyň bilim ulgamyny, ykdysady pudaklary, bank ulgamyny we dolandyryş  edaralaryny häzirki zamana elektron-maglumat tehnologiýalary bilen üpjün etmek ugrunda degişli işler amala aşyrylýar.’’Türkmenistan  durmuş-ykdysady ösüşiniň 2011-2030-njy ýyllar üçin Milli maksatnamasynda” elektron-maglumat ulgamyny ösdürmek we kämilleşdirmek meselesine aýratyn orun berilýär. Dersiň esasy maksady  diňleýjilere Türkmenistanyň Prezidentiniň döwlet ýolbaşçylarynyň we gullukçylarynyň kompýuter sowatlylygyny ýokarlandyrmak boýunça okuwlary guramak barada tabşyryklardan ugur alyp,maglumatlar tehnologiýasy barada bilimleri bermekden, diňleýjilere dolandyryş elektron ulgamy, ony döretmegiň ýörelgelerini we bu ulgama geçmegiň ähmiýeti, onuň ösüş stretegiýasy resminama aýlanşygy hukuk esaslary  barada düşünje bermekden, kompýyter programmalaryny ulanmaklygyň mümkinçiliklerini öwrenmekden we olary işletmek we döwlet iş dolandyryşynda innowasion şertleri döretmek we üpjün etmek boýunça iş endikleri kämilleşdirmekden ybaratdyr.  Bu ders 2 ýyllyk (2-nji ýyldaky) okuwlar üçin niýetlenendir (gözegçilik görnüşi –  synag).

Döwlet maliýesi – “Döwlet maliýesi” dersiniň esasy maksatlary: bazar ykdysadyýetini kadalaşdyrmakda we netijeliligini ýokarlandyrmakda ýurduň maliýe ulgamynyň orny we ähmiýeti, ýurduň maliýe ulgamynyň düzümi bolan döwlet maliýesi we wezipeleriniň aýratynlyklary barada düşünje bermek;

 makroderejede döwlet maliýe kadalaşdyryş formalaryň we usullarynyň aýratynlyklary we doly üpjün edilmeginde maliýe infrastrukturanyň roly barada  talyplaryň aňyna ýetirmek.

 döwlet maksatnamalarynda göz öňünde tu­tulan işleri öz wagtynda we bökdençsiz maliýeleşdirmek, ýurdumyzyň alyp barýan durmuş syýasatynda goýlan strategiki maksatlaryna ýetmekde  merkezleşdirilen  maliýe gaznalaryň maksatlaýyn, netijeli we  ähmiýetini  düşündirmek;

bazar şertinde döwlet býujeti kadalaşdyrmakda we deňeçerlemekde bazar usullaryň ulanmagynyň ähmiýeti barada düşünje bermek we bu şertlerde maliýe infrastrukturanyň döredilmeginiň zerurlygyny belläp geçmek.Bu ders 2 ýyllyk (2-nji ýyldaky) okuwlar üçin (gözegçilik görnüşi – hasap) niýetlenendir.

Dolandyryş işinde maglumat tehnologiýalary  dersiniň maksady – Dolandyryş ulgamynda maglumat tehnologiýalary  dersi, Sanly dolandyryş magistratura maksatnamasynyň hökmany dersi bolup durýar. Bu dersde magistrantlar dolandyryş işinde maglumat tehnologiýasyny ulanmak boýunça teoretiki we praktiki bilim alarlar. Okuw dersiniň maksatnamasy maglumat tehnologiýalarynyň we ulgamlarynyň döwrebap innowasion menejeriň işini goldamak we gurnamakda ulanylmagy üpjün etmek we diňleýjileri taýýarlamakdyr. Okuw dersiniň esasy maksatnamasy:informasion tehnologiýalar we ulgamlar boýunça zerur bolan teoretiki – usuly bazanyň emele gelmegi;dolandyryş işini goldamak üçin maglumat tehnologiýalarynyň we ulgamlarynyň ulanylşynyň mümkinçiliklerini we düzgünlerini özleşdirmek;informasion tehnologiýalaryny, çeşmelerini we ulgamlaryny ulanmak bilen anyk meseleleri çözme usullaryny we serişdelerini öwrenmek. Bu ders 1 ýyllyk okuwlar üçin niýetlenendir. (Gözegçilik görnüşi – synag.)

Ykdysadyýetde maglumat ulgamlar dersiniň maksady – Ykdysadyýetde maglumat ulgamlary dersi Sanly dolandyryş magistrlik okuw maksatnamasynyň hökmany dersidir. Bu dersi öwrenmek bilen alan bilimleri ykdysadyýetde maglumat ulgamlaryny we tehnologiýalaryny peýdalanmak üçin zerur bolan dolandyryş çözgütlerini  kabul etmekde maglumat garaşsyzlygyny we özbaşdaklygyny ýokarlandyrmaga mümkinçilik berer.Ykdysadyýetde maglumat ulgamlary dersini öwrenmegiň maksady ykdysadyýetde we dolandyryşda maglumatlary işlemegiň ulgamlary we tehnologiýalary, usullary barada ukyplary we bilimleri ele almak, dürli pudaklarda iş akymlaryny alyp barmak üçin maglumat ulgamlaryny peýdalanmak bolup durýar.Bu ders 1 ýyllyk okuwlar üçin (gözegçilik görnüşi – synag,) niýetlenendir.

Döwlet maliýesiniň we bank ulgamynyň dolandyrylyşy dersiniň maksady – Döwletiň maliýe we bank ulgamyny dolandyrmak dersi durnukly ykdysady ösüşi üçin zerur bolan ýurduň maliýe akymlarynyň gaýtadan paýlanyşynyň gurallarynyň netijeli ulanylmagyny öwrenýän hökmany ders bolup durýar.Bu ders maliýe ulgamynyň özüniň kämilleşdirilmegi, döwlet maliýesini dolandyrmak ulgamy, býujet serişdeleriniň paýlanylmagy we peýdalanylmagy hem-de maliýe gözegçilik guramalarynyň işini kämilleşdirmek çygrynda täze tejribe toplamaga we bilimiňi ýokarlandyrmaga mümkinçilik berer.«Döwlet maliýesini we bank ulgamyny dolandyrmak»,makroykdysady deňagramlylykda, býujetiň balansynda we döwlet bergileriniň bolmazlygy görnüşinde ýüze çykýan maliýe durnuklylygyny goldap saklamak üçin maliýäni meýilleşdirmegiň, paýlamagyň we bar bolan maliýe serişdelerini utgaşdyrmagyň hasabyna maliýe serişdelerini ýokary derejede netijeli ulanmagy öz içine alýan maliýe syýasytyny we döwletiň maliýe kanunçylygyny işläp taýýarlamak we durmuşa geçirmek bilen bagly döwlet hökümet guramalarynyň döwletiň durmuş-ykdysady prosesslerini dolandyrmak ulgamynyň düzüm bölegi bolup durýar.Bu ders 1 ýyllyk okuwlar üçin niýetlenendir. (Gözegçilik görnüşi – synag.)

Maglumat jemgyýetinde döwlet dolandyrylyşy  dersiniň maksady – Maglumat jemgyýetinde döwlet dolandyryşy atly ders Sanly dolandyryş magistr maksatnamasynyň hökmany dersi bolup durýar. Bu dersiň maksady talyplarda maglumat jemgyýetinde döwlet dolandyryşy hakynda  bitewi bir ulgam düşünjesini döretmekdir: jemgyýetiň sosial-ykdysady ösüşi bilen baglanyşykly netijeleri kabul etmegi we olary amala aşyrmagy üpjün etmek; bitewi hukuk, ykdysady, maliýe boşlygynyň çäklerinde özara baglanyşykly elementleri bolan çylşyrymly iýerarhiýa gurluşyna eýe bolmak. Dersiň maksatlary: talyplarda döwlet dolandyryşy hakynda ulgamlaýyn düşünjesini döretmek, dolandyryş ýörelgelerini we funksiýalaryny, ulgamyň dürli gurluş; elementleri arasynda dolandyryş funksiýalaryny paýlamak, islegler we olaryň ösüş maksatlary,; maglumat jemgyýeti; talyplary dünýäniň dürli ösen döwletlerindäki dürli derejeli guramalaryň dürli dolandyryş ulgamlary bilen tanyş etmek; maglumat jemgyýetinde döwlet dolandyryşyň pudagynda ylmy-nazary  bilimleriň derejesini ýokarlandyrmak; Türkmenistanyň maglumat jemgyýetinde döwlet dolandyryşyň döwrebap ulgamy hakynda nazary ylymlary umumylaşdyrmak; jemgyýetçilik dolandyryş pudagynda döwrebap dolandyryş ulgamynyň sosial-syýasy transformasiýalar şertlerinde hünär ygtyýarlyklarynyň çuňlaşdyrylmagy. Bu ders 1 ýyllyk okuwlar üçin niýetlenendir. (Gözegçilik görnüşi – synag.)

Maglumat gorlarynyň howupsuzlygy dersiniň maksady – Maglumat howpsuzlygynyň esaslary we maglumatlar çeşmeleri döwlet dolandyryşyň maglumatlar çeşmeleriniň goragyny üpjün etmegiň bilim-başarnyklaryny, esasy pikirleri we usullary, häzirkizaman maglumatlar ulgamlarynyň ygtybarlygyny we howpsuzlygy üpjün etmek boýunça hökmany ders bolup durýar.Maglumat howpsuzlygy bu maglumatyň gizlinligini, bütewiligini we elýeterligini  üpjün etmegiň prosessidir. Maglumat howpsuzlygy guramalarda maglumatlar çeşmeleri bilen bagly işleriň howpsuzlygyny gurnaýar, dürli görnüşli maglumatlaryň howpsuzlygyny sazlaşdyrýar, gizlinligiň düzgün bozmalarynyň howpsuzlygyny üpjün edýär.  Bu ders 1 ýyllyk okuwlar üçin niýetlenendir. (Gözegçilik görnüşi – synag.)

Elektron hökümetiň  tehnologiýalary dersiniň maksady – döwlet gullukçylaryna dolandyryş elektron ulgamy, ony döretmegiň ýörelgeleri we bu ulgama geçmegiň ähmiýeti, onuň ösüş baş ýörelgesi, resminama aýlanşygynyň hukuk esaslary barada düşünjeleri bermekden, kompýuter sowatlylygy arkaly kompýuter gurluşyny we ulanylyşyny öwretmekden, dolandyryş işlerinde kompýuter programmalaryny ulanmaklygyň mümkinçiliklerini öwretmekden we olary işletmek we döwlet iş dolandyryşynda innowasion şertleri döretmek we üpjün etmek boýunça iş endikleri kämilleşdirmekden ybaratdyr. Bu ders 1 ýyllyk okuwyň dowamynda  okatmak üçin niýetlenendir. (gözegçilik görnüşleri – synag, döwlet synagy we aralyk synag)

Maglumatlaryň intellektual derňewi  dersiniň maksady – Maglumatlaryň intellektual taýdan derňewi atly ders, Sanly dolandyryş magistrlik maksatnamasynyň çägindäki hökmany ders diýip hasaplanýar. Bu ders öwrenilende berilýän bilimler dolandyryş çözgütleri kabul edilende maglumat tehnologiýalaryny ulanyp maglumaty düýpli öwrenmek arkaly maglumat taýdan berilýän ýardamyň derejesini ýokarlandyrmaga mümkinçilik berýär.Maglumatlaryň intellektual taýdan derňewi atly dersini öwrenmegiň maksady - magistrantlaryň hünär işleriniň dowamynda ýüze çykýan maglumatlary seljermek bilen bagly amaly meseleleri üstünlikli çözmäge ýardam berýän maglumatlary seljeriş pudagynda döreýän meseleleriň görnüşleri we olary çözmegiň usullary baradaky düşünjeleri döretmekdir.Bu ders 1 ýyllyk okuwlar üçin niýetlenendir. (Gözegçilik görnüşi – synag)

Üýtgetmeleri (innowasiýalary) dolandyrma– Üýtgetmeleri dolandyrmak dersi magistrantlarda edaralaryň işinde üýtgetmeleriň nazary esaslaryny we bu üýtgetmeleri amala aşyrmagyň tehnologiýalaryny we amaly usullaryny düşünmegi formirleýär. Nazary çemeleşmeleriň we amaly situasiýalaryň biri-biriniň üstüni ýetirmegi ele alynýan bilimleri berkitmäge we olaryň amaly gymmatyny artdyrmaga mümkinçilik berýär. Bu ders 1 ýyllyk okuwlar üçin niýetlenendir.(Gözegçilik görnüşi – synag.)

Dolandyrylyş ýagdaýynyň seljerilişi we çözgütleriň modelleşdirilişi dersiniň maksady – Türkmenistanyň Prezidentiniň döwlet ýolbaşçylarynyň we gullukçylarynyň kompýuter sowatlylygyny ýokarlandyrmak boýunça okuwlary guramak barada tabşyryklardan ugur alyp,maglumatlar tehnologiýasy barada bilimleri bermekden, diňleýjilere dolandyryş elektron ulgamy, ony döretmegiň ýörelgelerini we bu ulgama geçmegiň ähmiýeti, onuň ösüş stretegiýasy resminama aýlanşygy hukuk esaslary  barada düşünje bermekden, kompýyter programmalaryny ulanmaklygyň mümkinçiliklerini öwrenmekden we olary işletmek we döwlet iş dolandyryşynda innowasion şertleri döretmek we üpjün etmek boýunça iş endikleri kämilleşdirmekden ybaratdyr. Bu ders 1 ýyllyk okuwlar üçin niýetlenendir. (gözegçilik görnüşi – synag,aralyk synag)

Bilim we ylym işleriniň ykdysady meseleleri dersiniň maksady –  Türkmenistanda  ylym we bilim ulgamynyň ykdysady esaslary, ýurduň durnukly ösüşini, bäsdeşlige ukyplylygyny we sanly ykdysadyýetde geçmegini üpjün etmegiň binýady hökmünde çykyş edýär.Bu ugur, ylym barlaglary maliýeleşdirmek, bilim edaralarynyň maddy-tehniki binýadyny döwrebaplaşdyrmak we ýokary hünärli işgärleri taýýarlamak ýaly meseleleri öz içine alýar.Bu ders 1,5 ýyllyk okuwlar üçin niýetlenendir. (gözegçilik görnüşi – synag,aralyk synag)

Işgärleriň hünär derejesini bahalandyrmagyň usullary dersiniň maksady- “Işgärleriň hünär derejesini bahalandyrmagyň usullary” dersiniň esasy düşünjeleri Zähmeti guramak – bu önümçilikdäki işgärleriň arasyndaky netijeli gatnaşyklardyr. Zähmeti guramagyň maksady önümçilikde adamyň zähmeti üçin oňaýly şertleri döretmekden ybaratdyr. Zähmeti, önümçiligi guramak, täze tehnikanyň, tehnologiýanyň ornaşdyrylmagy bilen üýtgeýär we kämilleşýär. Şeýlelikde, öndüriji güýçleriň ösmegi we önümçilik gatnaşyklarynyň kämilleşmegi zähmeti hem-de önümçiligi guramagyň özgermegine getirýär.        Uzak döwrüň dowamynda döwlet bilen bazaryň utgaşyklygy dürli-dürli görnüşlere eýe boldy. Häzirki zaman durmuş-ykdysady durmuşynyň çylşyrymlylygy kem-kemden bazaryň we döwlet başlangyçlarynyň organiki utgaşmagyna we jebis birleşmegine getirdi. Häzirki zaman jemgyýetiniň düýpli meseleleriniň köpüsi diňe bazar gurallarynyň kömegi bilen çözülip bilinmez we olar döwletiň gatnaşmagyna mätäçlik çekýändirler. Bu ders 1 ýyllyk okuwlar üçin (gözegçilik görnüşi – synag) niýetlenendir.

Işgärleri dolandyrmakda innowasiýalar dersiniň maksady- Bu dersiniň maksady innowasiýalaryň we täze tehnologiýalaryň esasynda işgärleri dolandyrmak we täzeçiligiň nähili ornaşdyrylýandygy we olaryň netijeliligini öwrenmäge gönükdirilendir. Dersiň esasy maksadynyň biri hem işgärleriň dolandyryş prosesinde öňdebaryjy usullaryň ulanylmagy arkaly iş öndürijiligini ýokarlandyrmak we zähmet bazarynda bäsdeşlige ukyply ulgamy döretmek bilen baglydyr. “Işgärleri dolandyrmakda innowasiýalar” dersini öwrenmek magistrlara dünýäniň öňdebaryjy kompaniýalarynyň tejribelerine esaslanyp, işgär dolandyrmak ulgamynda täze usullary we sanly platformalary ulanmagy öwrenmäge mümkinçilik berer. Şeýle hem, döwrebap kompaniýalaryň üstünlik gazanan strategiýalaryna düşünmek arkaly kärhanalaryň işini has-da kämilleşdirmek mümkinçilikleri öwreniler. Bu ders 1 ýyllyk okuwlar üçin (gözegçilik görnüşi – synag) niýetlenendir.

Işgärleri dolandyrmagyň ykdysadyýeti dersiniň maksady- işgärleri dolandyrmagyň ykdysadyýetini häsiýetlendirýän görkezijiler ulgamyny seljermegiň esasynda guramada işgärleriň dolandyrylyşynyň ykdysady we durmuş taýdan netijeliligi baradaky bilimleri özleşdirmekden ybaratdyr. Okuw dersiniň esasy wezipeleri şulardan ybarat: Guramanyň zähmet potensialyna ykdysady taýdan baha bermek, zähmet boýunça ykdysady görkezijileri seljermek, olary gowulandyrmak boýunça çäreleri işläp taýýarlamak bilen bagly hünär başarnyklaryny kemala getirmek;

Işgärleri dolandyrmagyň häzirki zaman ulgamlaryna, guramanyň işgärleriniň işleriniň netijelerine baha bermegiň usullaryny öwrenmek;

Işgärleri dolandyrmagyň ykdysady we durmuş netijeliligine baha bermek boýunça usulyýet materiallary öwrenmek we ulanmak, dolandyrmak işlerini kämilleşdirmäge gönükdirilen çäreleri esaslandyrmak; Dolandyryş çözgütlerini, guramanyň işgärleriniň auditini we kontrollingini esaslandyrmak, işgärler bilen bagly töwekgelçilikleri dolandyrmak endiklerini kemala getirmek. Bu ders 1 ýyllyk okuwlar üçin (gözegçilik görnüşi – synag,aralyk synag) niýetlenendir.

Işgärleri hünär taýdan ösdürmek dersiniň maksady- Işgärleri hünär taýdan ösdürmek baradaky bilimler menejment, kärhanalary dolandyrmak, işgärleri dolandyrmak, zähmetiň ykdysadyýeti we sosiologiýasy, hünär işiniň psihofiziologiýasy ýaly ugurlarda köp sanly barlaglaryň geçirilýän şertlerinde döredi. Işgärleriň dolandyrmagyň ykdysadyýetinde esasy mesele işgäriň hünär taýdan kämilleşmegine täsir edýän şertleri, hünär taýdan ösdürmegiň usullaryny, hünär başarnyklaryny döwrebap ösdürmegiň ugurlaryny kesgitlemekden, bu usullary kadalaşdyrmakdan, seljermekden, işgärleriň hilini ýokarlandyrmakdan ybarat bolup durýar. Işgärleri hünär taýdan ösdürmegiň çäklerinde amala aşyrylýan barlaglarda işgärleri hünär taýdan ösdürmek strategiýasynyň kärhana, işgär we jemgyýet üçin bähbitli taraplary, hünär taýdan ösdürmegiň içki we daşky görnüşleri, şeýle-de işgärleriň hünär başarnyklaryny ösdürmegiň görnüşleri, derejeleri bu dersiň predmetini düzýär. Bu ders 1 ýyllyk okuwlar üçin (gözegçilik görnüşi – synag,aralyk synag) niýetlenendir.

Işgärleri dolandyrmagyň nazaryýeti dersiniň maksady – döwlet gullukçylaryny işgärleri dolandyrmagyň esaslary bilen giňişleýin tanyşdyrmak hem-de berilýän bilimleri, emelleri we usullary çuňňur öwretmek arkaly, olaryň hünärini ýokarlandyrmakdan we gaýtadan taýýarlamakdan ybaratdyr. Ýagny diňleýjilere işgärleri dolandyrmak ulgamy, işgärleriň toparlara bölünişi, başarnyklary, marketingi we höweslendirilmegi, işgärlere bolan zerurlygy çaklamak, olaryň işine baha bermek, iş toparlaryny döretmek we ösdürmek ýaly soraglar öwredilýär. Bu ders 1 ýyllyk) okuwlar üçin niýetlenendir. (Gözegçilik görnüşi – synag,döwlet synagy)

Işgärleri dolandyrmagyň maglumat tehnologiýalary dersiniň maksady-  “Işgärleri dolandyrmagyň maglumat  tehnologiýalary” atly dersiniň maksady - talyplarda işgärleri dolandyrmakda ulanmak üçin maglumat tehnologiýasy ulgamynda nazaryýet bilimleriniň toplumyny ösdürmekdir.

“Işgärleri dolandyrmagyň maglumat  tehnologiýalary” atly dersiniň wezipeleri:

häzirki zaman maglumat tehnologiýalaryny guramagyň esaslaryny öwrenýärler;

ýöriteleşdirilen maglumatlary gurmagyň, durmuşa geçirmegiň we goldamagyň esasy ýörelgelerini özleşdirmek;

maglumat jemgyýetiniň emele geliş hadysanyň umumy düşünje döretmek;

ugurdaky bilimlerini we başarnyklaryny kemala getirmek;

ykdysady we kompýuter sowatlygyny berkitmek

hünär işlerinde häzirki zaman maglumat tehnologiýalaryny üstünlikli ulanmak. Bu ders 1 ýyllyk okuwlar üçin (gözegçilik görnüşi – synag,aralyk synag) niýetlenendir.

Elektron resminama dolanşygy dersiň maksady-Elektron resminama dolanyşygy dersini okatmagyň möhüm ähmiýeti, barada hem belläp geçsek ilkinji nobatda, talyplaryň häzirki zaman maglumat tehnologiýalary bilen işleşmek başarnyklaryny ösdürmekden ybaratdyr. Bu ders arkaly ýaşlar maglumatlary elektron görnüşde taýýarlamagy, tertiplemegi, saklamagy we alyş-çalyş etmegi öwrenýärler. Şeýle bilimler olaryň geljekde döwlet edaralarynda, hususy kärhanalarda ýa-da halkara guramalarda netijeli iş alyp barmaklaryna ýardam eder.

Mundan başga-da, bu ders ýaşlary sanly jemgyýetiň talaplaryna taýýarlaýar. Dünýäde barha giňden ornaşýan sanly dolandyryş ulgamyna goşulmak üçin her bir hünärmen elektron resminama bilen işleşmegi başarmalydyr. Şonuň üçin bu dersi öwrenmek diňe bir iş tejribesinde däl, eýsem şahsy durmuşda hem işleriňi ýeňilleşdirýär, wagty tygşytlaýar we maglumatlary dogry dolandyrmaga mümkinçilik berýär. Bu ders 1 ýyllyk okuwlar üçin (gözegçilik görnüşi – synag,aralyk synag) niýetlenendir.